וכתבתם על מזוזות ביתך: קרוב צו צוואנציג פרישע סופרי סת"ם וועלן אויפגענומען ווערן דעם וואך אינדערהאלב לשכת הסופרים שע"י לשכת הוראה לעניני סת"ם דקהל יטב לב ד'סאטמאר אין וויליאמסבורג

די פרישע סופרי סת"ם וועלן אפערירן אינדערהאלב די קארידארן פונעם לשכת הוראה לעניני סת"ם, אויסשליסליך צו אהערשטעלן מהודר'דיגע מזוזות פארן ציבור המדקדיקים.

די אויפנאמע פון אזא ריזן מספר פרישע סופרים ברענגט גרויס פרייד ביים גאנצן ציבור חסידי סאטמאר אין שטאט וויליאמסבורג, וועלכע וועלן פון היינט און ווייטער קענען געניסן פון די העכסט מהודר'דיגע מזוזות וואס די שטאב פון סופרים וועלן אי"ה אהערשטעלן.

דעם קומענדיגן מידוואך נאכמיטאג וועט פארקומען א מעמד התמנות פאר די פרישע צוואנציג סופרים, ווי עס וועלן זיך באטייליגן די רבני ודייני ק"ק סאטמאר וויליאמסבורג, אין שפיץ פון הגה"צ אבדק"ק סאטמאר מאנסי שליט"א וועלכע שטייט בראש פון די לשכה.

וכתבתם על מזוזות ביתך